Gikumpirma ni DepEd Schools Division Superintendent Romelito Flores nga nabalik na ang load allowance sa mga public school teachers nga unang gipondohan sa GenSan City government.
Sa pakighinabi sa RPN DXDX GenSan, giasoy ni Flores nga nabayaran na sa LGU ang arrears niini sa maong load ug data subscription, human ang pila ka bulan usab nga naputlan og “linya” ang mga magtutudlo.
Gawas sa maong assistance gikan sa city government, gikumpirma usab ni Flores nga kumpleto nang nahatag sa tanang teaching personnel sa siyudad ang P5,000 nga cash allowance o mas nailhan nga “chalk allowance” sa mga niini, gikan sa national government.
“Nabalik na to, ang load, natural kay subscription man to. Ana man na, bayad ka, magbalik ang load. So far, naa na, nagamit na sa atong mga maestra,” ang tipik sa pamahayag sa opisyal. (John Rey Somido)