Cagayan de Oro – DAKONG garbo sa LGU-CDO human gipasidunggan ang siyudad isip
Nutrition Honor Award Contender pinaagi sa mga pagpaningkamot sa City Nutrition Committee nga gipangulohan ni Mayor Klarex Uy, atol sa 2023 Regional Nutrition Awarding Ceremony, Nobyembre 10, diha sa Chali Resort and Conference Center, ning siyudad.
Mismo si City Health Officer Dr. Rachel Dilla uban ni City Councilor Dra. Malou Gaane kinsa chairperson sa Committee on Health, City Nutrition Action Officer Nenita Rabe ang midawat sa maong special citation.
Gawas niini, ubay-ubay usab nga pasidungog ang nadawat sa CNC sama sa Nutrition Prime Award
for LGUs with Scaled Up Nutrition Innovations
nga gilangkoban sa Cagayan de Oro City
City-Wide F1K Class and Milk Letting Activity ug #CDONutriclass; 2023 Regional Webby Award 1st Placer – Most Active Social Media ug
Best Feature Article CDO “Trendy and Yummy, but is it healthy?” nga gisulat ni Kyl Marie Barrientos – usa ka intern sa Lourdes College nga gakuha sa kursong Bachelor of Science in Nutrition and Dietetics.
Samtang, naggikan usab sa siyudad ang napili nga
2022 Region X Outstanding City Nutrition Program Coordinator ubos sa
2022 National Outstanding City Nutrition Program Coordinator Contender si Sherill Faith P. Española ug 2022 Region X Outstanding Barangay Nurition Scholar
ubos sa 2022 National Outstanding Barangay Nutrition Scholar Contender si Loidaliza C. Vizcayno sa Barangay Balulang.
Nasayran nga ang Cagayan de Oro ang nag-inusarang LGU nga mi-qualify sa Nutrition Honor Award kon pinakataas nga award sa nutrisyon diin manihumduman mipailawum ang siyudad sa usa ka validation alang niini niadtong Mayo 3-5, 2023.
Ang 2023 Regional Nutrition Awarding Ceremony gipangulohan sa National Nutrition Council Region X nga nag-rekognisar sa nagkadaiyang Local Government Units ug Focal Persons nga mipakita sa exemplary performance sa pag-implementar sa nutrition programs ug pag-deliver sa nutrition services ngadto sa ilang tagsatagsa ka komyunidad.
News and photo courtesy of CIO CDO