- Advertisement -
General Santos City – Gi-angkon karon ni Gensan City Councilor, ATTY. JOSE EDMAR YUMANG nga isip Chairman sa Committee on Finance sa Sangguniang Panlungsod (SP) ning s’yudad sa General Santos, na-ipit siya sa gitawag niya’g 2 ka dagkung itlog, hilabi na karon sa hisgotanan ug bangi sa wala gi-aprobahang P230 milyong Supplemental Budget nga giduso sa Executive Department sa LGU-Gensan.
Isplikasyon ni Konsehal Yumang, sa gi-asoy niyang sitwasyon na-ipit matud pa siya kung hisgotan ang iyang mga kaubanan nga mga Konsehal ilalum sa RCR Initiatives (RCRI) tungod kay kini usab ang iyang gipasakopan nga partido lokal ug na-ipit sab siya sa pikas kampo sa PCM tungod higala sab niya ang pamilya Pacquiao ug si kasamtangang City Administrator, Atty. Franklin Gacal Jr.
Na-ipit siya tungod isip Chairman sa Committe on Finance sa siya matud pa ang gaduso nga aprobahan sa plenaryo sa P230 milyong Supplemental Budget nga gibasura sa mayorya nga sakop sa Konseho niadtong Martes (Nobyembre 7, 2023) nga iyang mga kaubanan sa RCRI.
Apan, gipa-klaro ni Konsehal Yumang nga sa iyang trabaho ug serbisyo mao matud pa’y iyang gi-alagaran ang katawhan sa General Santos, wala siya mag-trabaho ug magsilbi sa partido nga gipasakopan, kundi sa matag-katawhan sa dakbayan.
Gidugang pa, nga dili niya obligasyon nga daygon ang Mayor, daygon ang Bise Mayor ug ang Sangguniang Panlungsod, kundi ang iyang obligasyon isip Chairman sa Committee on Finance sa Konseho nga i-isplikar sa tawo kung asa gagikan o asa naka-base ang budget nga gibangi-an karon. (Rey Ombana)
- Advertisement -