Cagayan de Oro – MUABOT sa 399 ka mga sakop sa LGBTQ+, volunteer riders ug uban pang volunteer groups ang nakapahimulos sa gipahigayon nga Philhealth Konsultasyong Sulit at Tama (KonSulTa) kagahapon Nobyembre 21 diha sa city tourism hall.
Hiniusang gipasiugda ang nasangpit nga Philhealth KonSulta sa Office for Community Affairs – Volunteerism and Active Citizenship ug City Health Insurance Office.
Lakip sa mga serbisyong gitanyag ang profiling, medical consultation ug pag-apod-apod og mga tambal ug medisina.
Ang nasangpit nga mga volunteer groups ang kauban sa kagamhanang lokal sa nagkadaiyang mga kalihokan kalabot sa bolunterismo.
News and photo courtesy of Cagayan de Oro City Information Office