Isa ka layaki nga jaoy standing warrant for qualified trafficking in person an nasikop sa lokal nga kapolisan human sa manhunt operation nga gipahigayon sa lungsod sa Tago, Surigao del Sur jadton Martes, Hunyo 18.
Gikompirmar ni POLICE BRIGADIER GENERAL ALAN M NAZARRO, Regional Director sa Police Regional Office 13, an pagkasikop ni alyas “Lando”, 47 anyos, sa Purok Ipil-Ipil, Brgy. Dayoan pinaagi sa warrant of arrest nga giisyu sa lokal nga korte ubos sa criminal number 16825 tungod sa paglapas sa RA No. 9208 nga wayay piyansa nga girekomendar.
Base sa imbestigasyon, nakaikyas si alyas “Lando” sa dihang gisuwayan pagdakop sa mga otoridad ug sa ija kaiban sa pantalan sa Surigao City jadton Mayo 2023 sa Tandag City
Gikan sa Tandag iban an isa ka hamtong ug duha ka menor de edad nga ilang gi-recruit para makatrabaho sa National Capital Region. Gidaya dajun an mga biktima sa Department of Social Welfare and Development alang sa interbensyon ug reintegrasyon. (Mark James Lisondra)
(Source: Caraga PRO13 PIO)