Dungan nga mihimo sa pagpangatake ang CPP-NPA kagabii sa Lanuza Municipal Police Station sanan misunog sa duha ka mga backhoe nga gipanag-iya sa MR1 Construction Company. Kini nahitabo sa may alas 9:24 sa gabii Hunyo 24, 2021 sa Lanuza, Surigao del Sur.
Gibanabanang 15 ka armadong membro sa CPP-NPA ang lat-ang lat-ang nga namusil sa PNP station sulod sa 20 minutos nga gibaslan isab sa kapulisan.
Samtang nagpinusilay ang kapulisan sanan mga NPA, gisunog usab sa mga NPA ang duha ka backhoe sa MR1 Construction Company nga gipanag-iya ni Mr. Paulo Lopez. Ang nahimutangan sa mga ekipo anaa sa gilay-on nga 350 metros lamang gikan sa PNP station o sa bukid nga bahin sa Purok 2, Brgy. Zone 2, sa munisipyo sa Lanuza.
Nasalbar usab sa mirespondeng kasundalohan ang laing tulo ka ekipo nga isunod unta sa pagsunog.
May isa ka civilian, isa ka watchman sa heavy equipment nga nailang si Eldrin Daraman ang naigo usab sa maong pinusilay ug nakalas ang kinabuhi samtang samdan ang laing usa pa ka civilian nga si Melvin Buniel.
Ang mga NPA misibat sa bukid nga bahin sa Brgy. Mampi, Lanuza, Surigao del Sur. Padajon an hot pursuit sa 2nd Mobile Force Company sa Surigao del Sur PNP sanan sa 36th Infantry Battalion sa Philippine Army. (RPN DXKS Surigao via RBM, photos courtesy of Jessie AS)
(Note: This is a developing story)