- Advertisement -
Cebu City – Nasudlan na sa coronavirus disease o Covid 19 ang lalawigan sa Siquijor sa miaging adlaw ug kini mao ang duha ka LSI o locally stranded individual.
Sa nasayran, pito ka buwan nga nagpabiling covid free ang Siquijor.
Nasuta nga ang duha ka bag-ong nataptan sa virus pulos LSI gikan sa Manila.
Hinuon, gitataw ni Gob. Zaldy Villa nga wala pay local transmission sa virus sa probinsiya.
Sa iyang anunsyo, si Villa nag-ingon nga subo niyang gipahibawo nga nasudlan na ang ilang lugar og covid 19 luyo sa ilang paningkamot sa hugot nga pagpatuman sa health protocols.
Matod ni Villa, ang usa sa duha ka pasyente taga Lzi samtang ang usa taga Larena. /via Jhon Tadlip
(Source: Department of Health – Region 7)
- Advertisement -