Pabilin kuman sa detention cell si Ronald Comon Ebueza, 54 anyos nga taga Espina Extension (Morandante), Brgy. Taft, Surigao City human kini gikasuhan sa frustrated murder. Sumala pa iyang gidunggab an biktima nga nagbahad kaniya sa mga pulong “ilubong tikag buhi” niadtong miaging Marso 10, 2021 sa may alas 10 sa buntag diha sa Espina Morandante, Brgy. Taft, Surigao City.
An biktima na tagdala sa hospital tungod sa samad sa iyang tuo nga bukton mao si Domingo Abella Cordeta, 36 anyos minyo ug nagkinaugalingo’g trabaho na pareho ug lugar na taghuy-an sa suspetsado.
Adisir nahitabo an pagpandunggab, nagkalalis ang duha niadtong Marso 9, 2021 sa may alas 7 sa buntag human nangayo’g lubi kining si Domingo. Sa sige na sila’g lalis, taglang-an ni Domingo si Ronald na “ilubong tikag buhi!”.
Pagka alas 10 sa buntag sunod adlaw, nag-atang na sa dayan si Ronald ug dihang milabay si Domingo, idja dajon kini gidunggab makadaghan. Swerteng nasagang niya an pag-atake sa suspect ug nahitabo an karambola. Nasamdan an biktima sa tuo na bukton. Naundang an ila away pinaagi sa pagsagda sa mga estambay. Misibat an suspect sa dihang miabot an kapulisan. Pinaagi sa pagtudlo sa mga nakakita kon diin siya midagan, nadakpan kini ug gidala dajon sa Police Station. (RPN DXKS Surigao)