Malaybalay, Bukidnon – Nag atubang karon sa kasong homicide ang suspetsado sa pagpangluba-patay sa iyang higala didto sa Zone-2 Kalasungay Malaybalay City Bukidnon. Kini human nasikop sa gipahigayong hot pursuit operation.
biktima mao si Rexson Maximino, 37-anyos, minyo ug ang suspek mao si Alfonso Miñoza, hingkod ang pangidaron, ug parehong molupyo sa nasangpit nga lugar.
Sa pakighinabi sa radyo ronda team ngadto ni Malaybalay City Police Spokesperson PEMS Alexander Calma nga alas 12:45 sa kabuntagon niadtong petsa 19 sa Hunyo ning tuiga adlawng merkules nakadawat og report ang buhatan mahitungod sa kaso sa pagpangluba.
Gidugang pa nga samtang nag inom ang suspek ug biktima sa ilimnong makahubog, subling nahisgutan sa duruha ang kanhi panagbangi nga miresulta sa panaglalis ug dinunggaba.
samad dinunggaban sa dughan, li-og, ug uban pang parte sa kalawasan ang nahiaguman sa biktkma hinundan sa hinanali niining kamatayon.
News and photo by Radyo Ronda CDO News team