Jasaan, Misamis Oriental – Kasong morder ang gipasaka sa usa ka lalaki
nga midunggab-patay sa iyang bayaw sa Sitio Impakibil, Brgy. Apos Kahoy, Claveria Misamis Oriental.
Naila ang biktima nga si Erick Gallegos, 35 anyos, menyo, taga Purok 8 Brgy. Mat-i samtang naila ang suspek nga si Julius Mete, 52 anyos, menyo ug residente sa Sitio Impakibil, Brgy. Apos Kahoy.
Sa pakighinabi sa radyo ronda team ni Claveria Municipal Police Station Investigator on Case Police Master Sargent Colombus Tion nga nag-inom sa payag ang suspek ug biktima kauban ang igsuon niini nga asawa ni Mete.
Apan pagka-alas 9:32 sa gabii, midalikyat ang suspek sa Chief Tanod sa Brgy. og mi-angkon nga nakapatay kini.
Gipahiluna na usab ang biktima human mamatay ug nakitang nakasaksak sa dughan ang sundang nga gigamit sa suspek, 5 ka dinunggaban qng nahiagoman sa biktima.
News and photo by Rose Mondejar