Cebu City – Laing manlalaban ang gibanhigan-patay wala pay usa ka buwan gikan sa pagpusil-patay ang Atty. Joey Luis Wee sa Cebu City.
Apan ning tungora usa ka abogada ang gipatay nga mao si Atty. Baby Maria Concepcion Landero-Ole.
Suma pa sa kapolisan sa Danao City, nagbiyahe si Lander-Ole sa iyang sakyanan ug pag-abot sa Brgy. Looc, kalit lang siyang gipauwanan og mga bala sa mga tawong nagmotorsiklo alas 2:50 gahapon sa hapon.
Si Landero-Ole, nga taga Brgy. Taboc, Danao City, gihatod dayon sa labing duol nga ospital apan gideklarar nga DOA.
Suma pa sa kapolisan, nadawat nila ang alarma gikan sa concerned citizens.
Nakita sa mga saksi nga mga tawong nag motorsiklo ang daling mibiya sa nahitaboan human sa pagpamusil.
Pagkakaron, gisusi pa sa kapolisan ang video sa closed-circuit television o CCTV camera sa duol alang sa posibleng pagmay-ong sa mga responsable ug kon wa ba kini back-up.
Wala pa usab matino sa mga awtoridad ang motibo sa pagpatay kang Atty. Baby Maria Concepcion Landero-Ole. (Jhon Tadlip/JTY)
(Source& photo courtesy of Danao City Police Office)