Radio Philippines Network
DYKC Cebu News Provincial News

Labella Ug CHR 7 Mipaundang Sa Aresto Aguinaldo Sa Pulis

Cebu City – Gimandoan ni Cebu City Mayor Edgardo Labella ang CCPO o   Cebu City Police Office nga ihunong na lang ang pagpakuyaw sa ilang hatagan og Pinaskuhan.

Suma pa ni Labella, ang Aresto Aguinaldo program mahimong makaguba sa tinarong nga katuyoan kay inay malipay, makuyawan man hinuon ang ilang regaluhan.

Sa nasayran,  miisyo ang CCPO ogwalo ka mini nga warrant of arrest sa piniling mga tawo sa ilang partner establishment sa aron sorpresahon paghatag og Pinaskuhan.

Apan ang maong paagi giuwan og pagsaway sa mga netizens pagkakita sa mga benepisyaryo nga nakahilak sa kahadlok sa dili diay tinuod nga pagdakop nila.

Gani, si PNP Chie Gen. Debold Sinas mimando usab pagpaundang sa programa.

Alang ni Labella, maayo man ang tumong sa programa apan kinahanglan usab hunahunaon ang pagkatawo sa hatagan sa regalo.

Nagkanayon ang mayor nga mas maayong ilargo na lang paghatag ang Pinaskuhan inay ipaagi pa sa sorpresa o lingaw-lingaw dang pagpakuyaw.

Sa sayo pa, gipatin-aw sa CCPO nga ang programa giplano na daan uban sa nahitung dang establisimento diin pilion daan kinsay pakuratan ug hatagan sa Pinaskuhan.

Samtang, giawhag sa Commission on Human Rights o CHR 7 ang mga tinugyanan sa balaod nga hunahunaon usab ang pagbati sa tawo nga ilang pakuyawan sa paghatag og Pinaskuhan.

Base sa statement, gipadayag sa CHR 7ang kabana sa pagpatuman sa CCPO o Cebu City Police Office sa programang gitawag og aresto-aguinaldo ug sa susamang sistema nga gipatuman usab sa Land Transportation Office o LTO-7 ngadto sa mga motorista sa Cebu Transcentral Highway.

Segun sa statement sa CHR 7, natandog sila sa aresto-aguinaldo sa CCPO nga gisugdan niadtong Disyembre15 ug sa susamang lakang sa LTO 7 pagka Disyembre13.

Midugang ang CHR 7 nga ilang giila gidayeg  ang katuyoan sa mga awtoridad paghatag og regalo sa katawhan apan ang pamaagi sa paghatag maoy ilang gikuwestiyon.

Nunot niini, ilang giawhag ang kadagkoan sa PNP nga mohimo og aksyon batok niini ug mitambag sa local PNP paghimog mas sensitibong programa ning panahon sa Pasko.

Suma pa sa CHR 7, dili maayong ipaagi sa pasiaw ang pagsilbi og arrest warrant ug kinahanglan nga aduna kiniy due process subay sa balaod.

Nagpasidaan usab ang komisyon nga ang susamang lakang moresulta sa kakuyaw ug kauwawan sa tawong hatagan sa sorpresang Pinaskuhan.
(Jhon Tadlip/JTY, photo courtesy of Itug-an Ni CD)

(Source: Cebu City Public Information Office | CHR-7)

Related posts

Vice Governor Eddie Gokiangkee Jr, Gipaningkamutang Dili Masudlan Bisan Sa Mga Asymptomatic Cases Ang Entry Points Sa Probinsya

RPN

LTO-7 molusad og subsob nga kampanya batok sa Angkas motorcycles

RPN

Mga Mambabatas Sa Bicol Nagkaka-Isa Sa Pagtutol Sa Provincial Bus Ban Sa EDSA

RPN