Cebu City – Gikalipay ni Cebu City Mayor Edgar Labella ang resulta sa proyekto nga ” Tandem RDT and Pooled PCR Testing” ngadto sa kapin 2,000 ka mga vendors sa Carbon Public Market nga gipahigayon sukad niadtong September 30, 2020.
Dul-an na sa 300 ang napaubos sa nahisgutang proyekto ug dunay usa lang kabook ang nag positibo.
Matod ni Mayor Labella sa usa ka press conference nga kon mao kini ang sitwasyon,iyang panghinaut nga unta mag masulondon ug dili gyud mo kompyansa tungod kay ang virus anaa gihapon sa palibot.
Tumong niining proyekto nga masubay kung asa ang virus ug pagsiguro nga luwas ang pinakadakong public market sa Dakbayan sa Sugbo.
Sa iyang bahin, gidayeg ug gipasalamatan ni Dr. Mary Jean Loreche, Chief Pathologist sa Department of Health 7 ang team sa Cebu City Operations Center kon EOC sa gihulagway niyang maayong pagka han-ay ug organisado ug dunay maayo ang koordinasyon sa ilang trabaho
Nag sige pa gihapon ang testing ngadto sa mga manindahay hangtud nga kompleto ang kapin 2,000 ka mga kaubanan nila sa Carbon Market.
(Jhon Tadlip, photo courtesy of Cebu City – Public Information Office)
(Source: Cebu City Public Information Office)