32.7 C
Manila
Sunday, April 21, 2024

Kauswagan, Back to Back winner sa Most Child Friendly Brgy.

- Advertisement -

Cagayan de Oro – BACK-TO-BACK victory ang nakuha sa Barangay Kauswagan human gipasidunggan isip ‘Most Child-Friendly Barangay’ kagahapong adlawa, Pebrero 26 atol sa PASUNDAYAG and Oro Kasanag Awards and Culminating Ceremony diha sa Chali Resort and Conference Center, ning siyudad.
Ang barangay Kauswagan midawat sa seal, trophy ug cash prize nga balor og P120,000, samtang, nasakmit sa barangay Canitoan ang ‘2nd Most Child-Friendly Barangay’ ug cash prize balor P100,000; ug 3rd placer usab ang barangay Cugman nga nakakuha P80,000 cash prize.
Midawat usab ang barangay Kauswagan og special award tungod sa ‘Exemplary Initiative in Implementing Adolescent Health Program and PISO para sa Nutrition’, ‘Best Child-Friendly Facilities’ ug ‘Best Leadership Award’.
Naangkon usab sa barangay Canitoan ang ‘Outstanding Adolescent Health Facility’, ‘Outstanding Innovation in Addressing Learners At-risk in Dropping Out’ ang barangay Patag ug ‘Exemplary Work in Maintaining Records and Registry of the Children in Conflict with the Law’ ang barangay Balulang.
Mismo si City Administrator Atty. Roy Hilario Raagas, kinsa mirepresentar ni Mayor Klarex Uy, Committee on Social Services Chairperson City Councilor Girlie Balaba, CDO Sangguniang Kabataan Federation President Kenneth Sacala, Oro Youth Development Officer Lord Saver Centina, City Social Welfare and Development Department Officer Anecia Tongson, City Council for the Protection of Children Vice Chairperson Jonah Domingo ug World Vision Project Head Ms. Daphne Culanag ang mitunol sa maong awards.
Sa miaging tuig, migula nga kampeon ang barangay Kauswagan. Kini na ang ika-10 nga hugna sa maong search diin gisalmotan sa 24 ka barangay nga gipangulohan sa City Council for the Protection of Children, uban sa Oro Youth Development Office. .
Tumong niini ang paghingusog sa adbokasiya sa mga barangay nunot sa pagprotehir sa mga katungod sa kabataan ug mapadayon ang imahe sa siyudad isip #ChildFriendlyCDO.

 

News and photo courtesy of CIO CDO

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -