Cebu City- Gi dismis sa Regional Trial Court (RTC) Branch 10 ang kaso nga gipasaka ni kanhi Cebu City Mayor Tomas Osmena pagpa nullify sa pagbaligya sa mga luna diha sa South Road Properties (SRP).
Matod ni Presiding Judge Soliver Peras nga way legal standing nga mo kwestyon si Osmena sa kontrata, bisan sa iyang pagka taxpayer, constituent o pagka kanhi mayor.
“There is no constitutional issue to justify relaxation of the rules on legal standing and there is no disbursement of public funds involved in the contracts to justify suit as taxpayer,” tipik sa desisyon ni Judge Peras.
Gibutyag sab ni Peras nga dunay samang kaso nga gisang-at sa usa ka Romulo Torres nga pending sa Court of Appeals.
Alang sa Presiding Judge nga si Osmena way ” cause of action” tungod kay ang City Council mihatag ug pagtugot sa mayor kaniadto ug karon Michael Rama sa pag pirma ug kontrata ngadto sa mga developers.
Gipasakahan ug kaso ni Osmena si Mayor Edgardo Labella ug ang City Council, lakip na ang SM Prime Holdings Inc., Ayala Land Inc., Cebu Holdings Inc., Filinvest Land Inc., Filinvest Alabang Inc., Cyberzone Properties Inc., Anesy Holdings Corp,. Igold Holdings Corp. ug Betterfield Phil. Corp.
Gikwestyon ni Osmena ang validity sa pagbaligya pinaagi sa petition for declaratory relief nga iyang gisang-at niadtong Septembre 3, 2019.
Agig tubag niini, ang mga respondents misang-at sa ilang motion to dismiss.
Tuig 2015, si Rama nga maoy mayor niadtong panahona milagda ug contract of sale tali sa FLI ug sa SM-Ayala Comsortium mga kini alang ni Osmena usa ka illegal, tungod kay giingong walay pagtugot sa 13th City Council.
Pagka Hunyo 4, 2019, ang konseho mipagawas ug resolution nga nag request sa City Legal Office pagsang-at ug petition for declaratory relief nga nagtinguha nga magdeklara ang pagkalbaligya sa SRP lots niadtong 2015 nga void.
Niadtong Hulyo 2019, paglingkod na ni Labella pagka mayor, mipasar ang konseho ug resolution nga naghatag kaniya ug pagtugot nga ma withdraw ang petition.
via Jhon Tadlip
Source: Regional Trial Court Branch 10
Photo:
