29.5 C
Manila
Sunday, April 21, 2024

Kapin sa P12 million na balor sa shabu nasakmit sa Cebu City Police Office

- Advertisement -

Laing na usab na kalampusan sa buy-bust operation ang nahimo sa Cebu City Police Office (CCPO) na ni resulta sa pagkasakmit sa kapin sa P12 milyon na balor sa gituhuang ginadiling drugas.

Martes Santo sa gabii gilusad ang maong operation didto sa Sitio Villa Bulsita, Barangay Bulacao, siyudad sa Sugbo.

Ang duha ka mga suspetsado giila SA CCPO nga sila si Joevane Padigos Dela Cerna alyas “Panoy”, 46 anyos panuigon, taga Brgy. Candulawan, Dakbayan sa Talisay ug Franco Cortes Corominas alyas “Daot”, 44 anyos, taga Barangay Lahug, dakbayan sa Sugbo.

Mga binultong shabu ang nakuha sa ilang position na adunay timbang na 1.8 kilos.

Matod ni Police Colonel Ireneo Dalogdog, City Director of the Cebu City Police Office na si alyas “Panoy” usa ka High Value Individual (HVI) ug si alyas “Daot” usa ka bodegero.

Segon ni Director Dalogdog na ang duha ka mga suspetsado gipaubos sa makuti na surveillance sa City Intelligence Unit og nilutaw sa ilang listahan ang duha ka mga suspetsado na tigpayuhot sa ginadiling drugas.

Nasayran na ang ilang tinugdan sa ginadiling drugas usa ka ilado na drug personality na bilanggo didto sa Leyte Regional Prison diin maka baligya sila og 2 ngadto sa 3 ka kilo sa ginadiling drugas matag semana.

Pahinomdom ni PCol. Dalogdog sa mga durugista na moundang na sa ilang illegal na binuhatanan aron dili masusama sa ubang mga dinakpan.

Sa pagkakaron giandam na ang kasong kalapasan sa Section 5 and Section 11, Article II of R.A. 9165. (Renante Socia Lada)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -