- Advertisement -
Pikit, SGA BARMM – Mag – atubang og dugang kaso karong Marso 26, 2024 ang usa ka lalaki nga gidakop sa mga otoridad tungod sa kasong pagpanglugos human nakumpiska ang Explosive Device sa Barangay Fort Pikit, Pikit, SGA BARMM.
Giila ang dinakpan nga suspek nga si alyas “Kakuresta”, 20-anyos, minyo, ug residente sa nahisgutang lugar.
Sa report sa Pikit Municipal Police Station, nasikop si Kakuresta mga alas 2:20 sa hapon sa iyang panimalay sa hiniusang pwersa sa Pikit MPS, 3rd CPMFC, 1203rd RMFB12, Cotabato PHPU, RSOG 12 ug Cotabato PFU CIDG12, sa balido sa warrant of arrest alang sa paglugos kang Kaesong nga walay tukmang piyansa.
Dugang pa, sa dihang gipaubos sa body search ang suspek, usa ka hand grenade unit ang nakumpiska.
Gumikan niini, mag-atubang og dugang kasong kalapasan sa Republic Act 9516 (Illegal Possession of Explosive – hand grenade) ang suspek.
Si PBGen Percival Augustus P Placer, ang Regional Director sa Police Regional Office 12, nanawagan sa katawhan nga dili mahadlok sa pagtaho ug dili kapuyon sa paghatag og impormasyon sa mga otoridad aron masikop ang mga tawo nga nakahimog krimen batok sa balaod. (Giovanni Pasco)
(Source: PCADG12)
- Advertisement -
