Gisugdan na sa paglunsad sa kampo ni Sen. Manny Pacquiao ang kalihukan alang sa planong pagdagan niini sa 2022 presidential elections.
Sa FB post ni General Santos City Councilor, Atty. Franklin Gacal, nang-awhag na kini og mga volunteers alang sa gimugna nga Manny Pacquiao for President Movement (MPPM).
Si Gacal ang nagsilbi matod pang regional chairman sa Soccsksargen sa maong kalihukan.
“Dahil sa pandemic at GCQ status ng GenSan, hindi tayo makapag mass gathering. Ang interesado mag join sa MPPM, pakisagot at ipadala sa aking messenger,” ang tipik sa maong mensahe sa FB sa konsehal ug longtime ally sa pamilya Pacquiao.
Una nang gikuwestyon sa Pangulong Rodrigo Duterte ang “timing” sa gihimong alegasyon sa senador, kalabot sa matod pa isyu sa korapsyon sa kasamtangang administrasyon.
Sa usa ka pamahayag, giasoy sa presidente nga sa dugay nang panahon nga nagsilbing public servant ang fighting senator, wala matod pay nadunggan ang publiko kabahin sa nahibawan niinig corruption issues batok sa administrasyon.
Mismong ang Pangulong Duterte usab ang nagtuo nga adunay kalabutan sa 2022 national elections ang maong mga lihok sa senador. (John Rey Somido)