Davao City – Nagpadayon karon ang hugot nga imbistigasyon human nga gipusila patay ang usa ka babae pasado alas 2:00 na sa hapon, Mayo 13 sa Diversion Road corner Bypass Road, Barangay Maa.
Giila sa kapulisan ag biktimang si Anabelle Cosido Elizagaque, 51-anyos ug residente sa Espino Subdivision, Dumoy, Toril District.
Subay sa report, samtang ang biktima sakay sa SUV nga iyang gimaneho kalit kining gipusil sa tulo ka wa mailhing mga suspek nga nakasakay sa XR Honda motorcycle nga color black hinungdan sa iyang kamatayon.
Sa karon nanawagan ang pamilya sa biktima ug hustisya sa kamatayon ni Anabelle. (Camille Santos Naraga, photo credits to the owner)