Cebu: Duha ang patay ug upat ang naangol sa disgrasya sa kadalanan didto sa lungsod sa Borbon

0
4

Nagbanaw ang dugo sa karsada sa nahitabong disgrasya sa kadalan nga naglambigit sa wing van, motorsiklo ug pick-up.

Didto kini nahitabo sa Barangay Sagay , lungsod sa Borbon, Sugbo, pasado alas 6:00 sa niaging buntag, Mayo 15, 2023.

Ang mga nakalas giila sa Borbon Police Station nga mao sila si Alain Alforque , 48 anyos ang panuigon, driver sa wing van, menyo, residenti sa Barangay Tisa, siyudad sa Sugbo ug Jerome Jay Anciano, 28 anyos, taga Barangay Argawanon, lungsod sa San Remegio, Sugbo.

Naila usab ang mga nangaangol nga sila si Ronito Dela Rama, 57; Crystel Dejito, 27 anyos; Maria Chona Caballero, 31 anyos ug Carlos Caballero, 57 anyos.

Sa inbestigasyon sa Borbon Police Station nasayran nga ang wing van paingon sa northern nga bahin sa sugbo samtang ang motorsiklo ug pick -up paingon sa southern sa Sugbo.

Pag abot na sa naasoy nga lugar na short sa pagkurbada ang wing van nga ni resulta sa pagkawat niini sa pikas linya diin didto nadasmagan ang motorsiklo ug pick-up.

Natumba ang wing van tungod sa kadaghan sa karga niini.

Sa pagkakaron gihimo pa ang dugang inbestigasyon may labot sa maong aksidenti na nituklo og mga kinabuhi. (Renante Lada)

Leave a Reply