Cagayan de Oro – GIPASABOT ni City Scholarships Office – City Education and Development Department Head Richel Petalcurin-Dahay nga moduol sa ilang buhatan ang city scholars kon adunay pangutana bahin sa ‘delay’ o kalangan sa ilang allowance, atol sa Committee Hearing sa Commitee on Education nga gipahigayun adlaw’ng Biyernes, Nobyembre 8 diha sa City Council Conference room, ning siyudad.
“We will serve everyone who needs our help, our clients. Assure lang na they come to us kay we are the right office that they should come to,” saysay ni Dahay.
Gani, iyang giklaro nga ang allowance balor tulo ka bulan ug wala’y ‘delay’ ang pagrelease sa allowance ning tuig ug kamulo pa ang pagproseso niini uban sa tabang sa partner schools.
Kon naa man ma-ulahi sa pagdawat, ang rason sa pagkalangan mao lamang katong mga scholar nga late makapa-renew sa ilang scholarship tungod sa mga kakulian sama sa incomplete grades, wala pag-comply sa return service sa community, pwede usab ang pag-balhin og panimalay sa scholar ingon man lahi ang amount sa allowance nga gihatag sa scholar kon kini nagpuyo sa hinterland ug city.
Nasayrang ang delay sa allowance, usa sa mga agenda sa committeehHearing nga gipahigayun ning adlawa ug tumong sa hearing nga mahatagan og kalinaw ang maong issue.