Isang opisyal sa Italy positibo sa COVID-19

Nagpositibo sa coronavirus disease (COVID-19) ang isang mataas na opisyal sa Italy.

Ito mismo ang kinumpirma ni Nicola Zingratti, leader ng co-ruling democratic party sa Italy sa kaniyang social media account.

Ayon kay Zingratti, kasalukuyan siyang sumasailalim sa home quarantine upang maiwasan din ang paglaganap ng virus, at sinusuri na rin aniya ang mga indibidwal na kaniyang nakasalamuha sa nakalipas na mga araw.

Batay sa datos ng World Health Organization (WHO) ang Italy ang may pinakamaraming kaso ng COVID-19 sa Europa kung saan naitala ang higit 4,000 kaso nito kung saan nasa 200 ang nasawi.