Walong empleyado kan Metropolitan Naga Water District (MNWD) na kumpunido kan Casual, Contractual, asin sarong permamenteng may kapot na posisyon an nagpositibo sa ginibong Annual Random Drug testing sa saindang ahensya.
Segun kay Choppy Dela Cruz, tagapagtaram kan MNWD, nahali na sa serbisyo an 7 empleyado alagad, maagi pa sa proseso kan Civil Service Commission an nagpositibong may posisyon para imbestigahan kun dependyente maray siya sa droga asin an komisyon naman an mataong hatol sa empleyadong ini.
Pangapudan kan MNWD na punduhon na an paggamit kan iligal na droga nin huli ta bako sana sinda an nararaot kaini kundi pati na an mga pamilya kaini asin mayo man suboot naidadarang karahayan an iligal na droga.
Source: Naga City Information Portal