Dinagsa kan dagmang na mga jobseekers niato an enot na aldaw kan Job Fair kan NagaLand E-mall kaso hapon, Agosto 15, 2023. Manlaen-laen na oportunidad an nag-aabang sa mga aplikantes nin huli ta 32 na local asin 4 na overseas employers an yaon para sa duwang aldaw na job fair na madurar sagkod saaga, Agosto 16, 2023.
An Job Fair na ini hatod kan NagaLand E-Mall sa pakikipagtuwangan kan gobyerno-lokal kan Naga sa paagi kan Metro Naga Public Employment Service Office (Metro Naga PESO) kaiba an Department of Migrant Workers asin Department of Labor and Employment (DOLE).
(Source: Naga City Government)