Liwat tinawan duon ngunyan kan Social Security System o SSS-Bicol an importansya kan tultol na mga employers sa saindang mga obligasyon asin macierto na nareresibe kan mga empleyado nin tama an saindang mga benepisyo.
Katakod kaini nagsagibo an SSS nin Run after Contribution Evaders o RACE campaign sa nagkapirang mga banwaan sa primer distrito kan Albay.
Segun ki Jeanette Mapa, tagapagtaram kan SSS-Bicol, pinangenotan mismo kan mga haralangkaw na opisyal kan SSS an pagbisita sa mga employers sa ciudad nin Tabaco asin mga banwaan kan Bacacay asin Sto. Domingo na igwang isyu nin non-remittance of contributions asin non-registration kan saindang mga negosyo.
Apwera pa digdi , nag isyu man nin written notice an ahensya tanganing ingganyaron an mga employers na i-settle an saindang mga obligasyon sa paagi kan pag-avail kan condonation program asin Pandemic Relief Restructuring Program (PRRP) na dakulang tabang tanganing maging magian an pagbabayad kan mga delinquent loans asin contribution.
Pinagiromdoman man an mga employers na mag-comply sa ipigtalaan kan ley para sa kapakanan kan mga obreros urog na ngunyan na panahon nin pandemya.
Obheto kan RACE na pagiromdoman asin maipasabot sa mga employers na sinda an igwang statutory obligations siring kan pagpaparehistro kan saindang negosyo, pag-report kan remittance asin contributions tanganing maging eligible an saindang mga empleyado sa man iba ibang benepisyo.
(Source: Bicol News)