Cebu City – Gitakdang mopahigayon ang Bando Osmena-Pundok Kauswagan (BOPK) sa ilang grand rally sa Cebu City Sports Center (CCSC), karong Sabado, Abril 2, 2022.
Ang mga celebrities sa iladong noontime show sa “Eat Bulaga” gi expect nga naa sa maong event uban ni Senate President ug Vice Presidential aspirant Vicente “Tito” Sotto III.
Gipahibaw ni kanhi Cebu City councilor ug BOPK standard bearer Margarita “Margot” Osmena sa iyang Facebook page nga wala magkinahanglan ug ticket tungod kay “open gate event” kini, pero first come, first served basis.
Gipahinumduman ni Osmena kadtong mga intresado motambong sa event nga kanunayng magsul-ob sa ilang face mask ug mosunod sa minimum health protocol.
Samtang, gibutyag ni Councilor Joel Garganera, deputy chief implementer sa Emergency Operations Center (EOC), mga mo deploy sila ug mga personnel pagsiguro nga ang nahitabo sa “Arat na Cebu” concert niadtong Marso 26, malikayan.
Giawhag sab ni Garganera ang mga organizers sa rally pag discourage sa mga minors ug kadtong mga unvaccinated pagsud sa venue isip precautionary measures batok sa coronavirus disease (Covid-19) ug batok sa possibling mahitabo nga stampede.
Padayon nga gipahinumduman ni Garganera ang publiko nga ang kombati batok sa pandemic usa ka “shared responsibility” tali sa goberno ug sa katawhan.
Sa ilang bahin, ang mga opisyal sa Cebu City Police Office (CCPO) mipahibaw nga makigtagbo sila sa tanan nilang personnel pag discuss sa security measures nga ilang ipatuman sa BOPK grand rally.
Matod ni Lt. Col. Maria Theresa Macatangay, CCPO spokesperson, nga ang security meeting nagtinguha nga mapakgang ang subling panghitabo niadtong Arat na Cebu concert sa samang venue niadtong Sabado, nga gidagsa sa 100,000 ka mga tawo nga nakahatag ug kalisod sa kapulisan pagkontrol sa bagang doot.
Nagkanayon si Macatangay nga ila sab nga gi imbita ang mga organizers sa rally pag coordinate ngadto kanila ug unsay possible nga mahitabo sa maong activity.
Sigon pa sa opisyal nga ilang gilikayan ang posibling scenario nga dunay stampede atol sa event.
“We guarantee nga dili nato mahitabo balik. We have made some strong requirements sa atong mga organizers na mohimo og ingun ato nga kalihukan balik diri sa Cebu City,” pasalig ni Macatangay.
Dunay 400 ka mga police personnel ang i deploy atol sa BOPK rally, itandi sa 250 lang nga gipakatap sa CCPO niadtong Arat na Cebu concert. (Jhon Tadlip)
(News & photo courtesy of Bando Osmena-Pundok Kauswagan | Cebu City Police Office | Emergency Operations Center)