- Advertisement -
Baao, CamSur – Nagpaguiromdom si Dr. Charity Botor kan Baao, Camarines Sur na maski sibot an gabos sa politica dai malingawan an padagos na paglikay sa covid-19 huli ta yaon pa ini asin dai pa nawawara.
An doktor nagsabi na dai man magin kampante an publiko maski naghuhuros an numero kaini sa presente. Sa ngunian igua na sana nin sobra sa 70ng kaso sa CamSur na dai lampas 100 an tinatamaan sa nagtalikod na duwang semana.
Naglalaom pa man an doctor na dagos na an pagbaba nin kaso kan covid-19, alagad nangagaipo man ini nin sakripisyo kan publiko na dai pagparaluwas sa harong, kun yaon man sa luwas kaipuhan na sunudon an social distancing asin pirming pagsupong nin face mask asin face shield sa mga saradong lugar.
(Photo courtesy of WHO)
- Advertisement -