Usa ang syudad sa Cagayan de Oro sa napulo ka syudad sa Rehiyon 10 nga napili sa Department of Human Settlements and Urban Development (DHSUD) nga compliant sa urban Syudad planning designs alayon sa National Housing Month Celebration.
Nasayran nga nagpahigayon og assessment ang DHSUD sa 93 ka syudad ug munisipyo sa Rehiyon 10 alang sa compliance sa Climate Change Disaster Resilient and Urban Planning Designs.
Gikan sa 93 ka syudad ug munisipyo nagpili na usab og top 10 ang DHSUD diin usa ang Cagayan de Oro sa napili tungod sa pagbaton og updated nga City Land Use Plan and Local Shelter Plan diin nalakip niini ang Climate Change and Disaster Resilience nga aktibong gisalmotan sa syudad sa pipila ka katuigan ubos sa administrasyon ni Mayor Oscar Moreno.
Dumduman nga giaprobahan sa Housing & Land Use Regulatory Board ang CLUP sa syudad niadtong 2018.
Si Engr. Ermin Stan Pimentel, head sa City Housing & Urban Development Department (CHUDD) namahayag nga ang award ihatag sa DHSUD ngadto sa syudad atol sa signing sa Memorandum of Agreement (MOA) alang sa land development sa Muslim-Christian Women HOA ug Highland Ville nga himoon sa Barangay Lumbia karong Okt. 18, 2021.
(ALR | City Information Office)
(Source: Cagayan de Oro City Philippines Facebook page)