Iriga City – Man lain-lain na programa an pinaglansar kan Iriga PNP tanganing maipasunod an saindang motto to serve and protect sa cuidad.
Ini kasunod kan paglansar kan mga programa na dati naman na ginigibo sa pagmantiner kan paz y orden.
Kabali digde an Oplan Katok, kampanya kontra sa loss fire arms sa cuidad.
Kan nagtalikod na Sabado pinaginutan ni P/Maj. Margarito Manaog an oplan katok sa brgy san Francisco kan cuidad na ini.
Mientras tanto, an mga personahe kan traffic division ini nagpaguiromdom sa tamang pagsunod kan health protocol, pagsupong nin face mask, face shield asin social distancing sa kasentrohan kan Iriga na pinamayuhan ni PCMS Agripino Nagrampa.
Mientras tanto, binisita man kan bagong hepe kan Iriga PNP an Muslim community sa cuidad kan Iriga sa paagui kan pag-atinder sa noon prayer na inaapod “kutba”. Ini may katuyuhan na mapakusog an maray na relasyon kan mga awtoridad asin Muslim community sa Iriga asin magkaigua nin pagtatarabangan sa paglaban sa krimen.
Mismo an bagong COP na si P/Lt. Col. Paz Magistrado an nanginot sa nasabing aktibidad.
(Melvin F. Barayoga, RPN DZKI Iriga OIC)
(Source: Iriga PNP, photo courtesy of Iriga CPS Facebook page)
