Maliban sa mga minor incidents kagaya ng mga aksidente sa kalsada, generally peaceful o mapayapa ang naging paggunita ng Semana Santa sa Probinsya ng Camarines Sur ngayong taon.
Sinabi ni PMAJ Victoria Abalaing, tagapagsalita ng Camarines Sur Police Provincial Office (CSPPO), walang nairehistrong kaguluhan at away sa probinsya kung kaya maituturing na mapayapa ang naging paggunita ng Mahal na Araw ngayong taon.
Bago nito, nagpakalat na ng mga tauhan ng PNP sa mga kalsada sa rehiyon upang magbigay gabay sa mga byaherong papunta sa rehiyon.
Sa ngayon ay tuloy-tuloy umano ang kanilang pagpatrolya sa mga matataong lugar at paglatag ng mga police assistance center ngayong summer season. (Emman Lumapag)