Nag-aabot sa sobra sa 80,000 na bags nin bagas an nairehistro kan National Food Authority (NFA) Bicol base sa saindang rice Inventory.
Sa naging pahayag ni Jahara Pavilando NFA Bicol spokesperson sinabi kaini na patunay na dae nag-kukulang an saindang ahensya pag-abot sa supply nin bagas lalo na ta nagpoon na an tag-init.
Sinabi pa man kaini na naka-pagrehistro sinda nin sobra sa 36,000 na bags nin paroy base sa kaparehong inventory, segun pa ki Pavilando nagpapadagos pa man an saindang milling operations kun saen madaragdagan pa an bilang nin mga paroy
Mientrastanto an target soboot nindang procurement nin bagas ngonian na quarter nasa 9,000 bags, kun saen padagos na pinapakusog nindang operasyon asin sa pakikipagtabangan sa mga para-oma magin sa LGUs.
Pina-abutan ni Pavilando an publiko na dae mag-handal nin huli sa dae man magkukulang an supply ninda nin bagas ngonian na tag-init. (Jv Navarro Verdeflor Jr.)
(Source: NFA-Bicol)