Pagnagrarani na an bulan kan Deciembre nagpaparadakol man an numero kan mga naglalayaw layaw na mga Badjao sa kasentrohe kan cuidad nin Legazpi magin sa cuidad nin Naga ini an oberbasyon kan mga transport group na dakol na pasahero nasakasay sa pampublikong lunadan pirit hinahagadan nin limos kan mga bBadjao kaya tulos na ipinaisi ini sa kaaraman kan CSWD alagad an rason kan agencia dai nasana pansinon o pag intiyendihon.
Susog sa naging reactiyon digdi ni Cecilla Arcilla Assistance department head kan nasabinbg oficina na dai nasana reparohon an mga naggagala asin nagraralayaw layaw na mga Badjao alagad sa ibang apektadong sector perwesyo an mga ini sa sainda maging sa ibang mga Bicolano.
Alagad maboboot talaga an mga Bicolano huli ta padagos paman guiraray nanagtatao nin limos sa mga Badjao nangorog na napaparong na an spirito nin kapaskuhan ngunian na taon.
Alagad naglalaom an agenciang ini kan govierno na dai man lugpod makakulog nin mga tao na pighahagadan ninda nin limos o tabang arog kan mga pasahero sa pampublikong lunadan mantang padagos man an saindang pagmonitor sa mga Badjao asin egwa man sindang gigibohon na comprehensive program katabang an DSWD asin iba pang agencia kan govierno. (Joey H. Lim)