Aramon an estado kan budget asin allocations kan satuyang lokal na gobyerno para sa taon 2024!
An satuyang final City Budget, mapapalaog sa P1,650,078,577.00. Naglangkaw ini nin 8.39% kumpara sa budget kan nakaaging taon na uminabot man sa P1,511,570,780.00.
Saro sa mga tatawan nin duon kan budget iyo an Social Services kun saen igwa nin P510.8 million an nakaalokar para igdi. Igwa man din nin nakatagamang fondo an satuyang lokal na gobyerno para sa Infrastructure projects. Labi sa 85% kan budget, hale sa mga manlaen-laen na ahensya asin opisina kan national government, kaya mas magagamit ta an satuyang City Budget para sa health, education, asin welfare services.
Sa paglangkaw kan budget kan ciudad, matatawan nin mas dakol pang alokasyon an mga opisina kaini para maka-mukna nin mga bagong inisyatibo. Alagad an mga eksistidong programa kan ciudad, ipapadagos asin papadakulaon siring man an mga priority projects para sa ikararahay kan Naga asin kan mga Nagueño!
Mapadagos an progreso asin pag-uswag kan ciudad.
(Source: Naga City Government)