Nag-aabot na sa 800-1000 meters an lava flow hale sa Mayon Volcano’s summit crater an approximately distansya kaini sa may parti kan Miisi asin Bonga Gullies.
Sa nagin pahayag kan Philippine Institute of Volcanology and Seismology o PHIVOLCS, nakuha ninda an datos asin letrato sa Mayon Volcano Observatory sa oras na alas 10: 56 nin banggi kan Hunyo 12 asin Hunyo 13 alas 12:03 nin maagahon.
Sa ngunyan, mantenidong nasa Alert Level 3 an Bulkan Mayon dahilan kan “intensified unrest” o magmatic unrest kaini.
Magigirumduman, kan nakalihis na Domingo, petsa11 kan presenting bulan. sa datos kan Phivolcs nasa 500 meters sa crater asin pasering sa may parti Bonga asin Miisi Gullies.
Mientrastanto na-irecord man an 21 volcanic earthquakes, 260 rockfall events, asin 3 pyroclastic density current events sa Bulkan Mayon Volcano sa nakalihis na 24 oras.
Enot kaini ipinahayag ni Gobernador Grex Lagman na i-extend an danger zone kan Bulkan Mayon sa 7 kilometers rason kan “increasing unrest.”
Mantang an gabos na residentes na yaon sa seven-kilometer extended danger zone ipig sairarom sa preparedness status na gustong sabihon “evacuation gigibuhon ano man na oras.asin kaipuhan na darahon an mgfa gamit kan mga ini para magin zero casualties.
Padagos man na pig abisohan an C/MDRRMOs asin BDRRMC na manteniron an pagiging preparado para sa implementasyon kan evacuation anuman na oras. (Jv Navarro Verdeflor Jr.)
(Source: DOST- Phivolcs, photo taken from the Mayon Volcano Observatory at 2256H PST 12 June 2023 and 0003H PST 13 June 2023)