Puminakol na sa 55 kaso nin panlulugos an nailista sa probinsya puon kan bulan nin Hulyo hasta sa bulan nin Oktobre ngunian na taun, alagad mas nagbaba ini kumpara kan nagtalikod na taon.
Ini sosog sa pahayag ni PMaj. Maria Abalaing tagapagtaram kan PNP sa CamSur. Mantang an pinakadakol na kaso nangyari sa banwaan nin Calabanga na dai naman binanggit an bilang kun pira,alagad an ibang rape cases nangyari sa mga hararayong mga barangay nangorog na sa mga coastal area.
Mantang segun pa ki Abalaing an ibang mga insedente nin krimen madaling masawata sa paagui nin police visibility, piro masakit sa kaso nin rape ta kadaklan nangyari sa laog kan mga harong asin an ibang suspetsado mga sadiring tao pa kan biktima. Idinagdag pa ni Abalaing na dakol an kaso nin rape sa probinsya nin huli ta mahiwas man an lugar.
Alagad dakol na an nagkukusog boot na magsumbong sa mga awtoridad, mantang katabang kan mga biktima an pulisya siring man an oficina kan DSWD. (Joey H. Lim, photo credits to the owner)