Dakong pagpasalamat ug kalipay ang gipahigayon sa paglusad sa Basa Tanan, Basta Tinabangay (BTBT) / “Tutok Basa, Textbook-Based Program (TBTB) sa Roman Catholic Chapel Sitio Baclay barangay Sto. Niño ning dakbayan sa Dapitan, Oktubre 20, 2022.
Ang programa gipangunahan sa Departamento sa Edukasyon (DepEd) sa pakigtimbayayong sa kagamhanang lokal sa Dapitan sa pagpanguna ni Mayor Seth Frederick P. Jalosjos nga gipresentahan ni Ms. Sushmita R. Jalosjos sa Kabataang Ilustrado ng Dapitan (KIND), Schools Division Superintendent Felix Romy A. Triambulo CESO V, Education Program Supervisor Germanico C. Malacat ug mga magtutudlo.
Midawat ang kapin kon kulang 50 ka mga bata sa school supplies sama sa bags, notebooks and ballpens.
Sa mensahe nga gipadala ni Mayor Bullet nga importante ang pagbasa busa kinahanglan nga magkat-on ang mga bata. Mapasalamaton siya sa DepEd sa pag-organisar sa outreach program ug iyang gisiguro nga ang tanang mga estuyadyante adunay kahibalo, kahanas ug maayong kinaiya.
Kini nga proyekto nagtumong aron madugangan ang kahanas ug kahibalo sa mga estudyante ug anaa ang pagdasig sa pagbasa aron mamahimo silang responsable sa umalabot ug magmauswag sa ilang mga kaugalingon.
(Source: Dapitan City Information Division Facebook page)
