Naalarma an Albay Provincial health Office sa nagdadakol na kaso kan helang na dengue sa banwaan kan Rapu-rapu albay. Segun sa pahayag ni Dr. Nathaniel Rempillo, pamayo kan nasabing opisina uminabot na sa 32 an nailistang kaso kan nasambit na helang nakunsain egwa nang 1 saro nagadan.
Segun sa opisyal binanga sa tulong grupo an PHO, nakinababalihan kan health promotions, health sanitation asin hospital operation tangani na mapugolan an paglala o pagdakol kan kaso nin dengue sa nasabing lugar.
Miyentrastanto nagsagibo naman nin misting operation an opisina sa mga lugar na pig eestaran kan mga namok na maydarang hilang na Dengue. Nakunsain sa ngunian egwang limang fatality an nasalistahan sa Albay.
Sinabe pa ni Rempillo na makondoser pa man an mga ini ngunian na semana nin evaluation sa kaso kan nabanggit na helang tangani na maaraman o mahiling kun egwang pag taas o pagbaba nin kaso sa nasabing banwaan. (Joey H. Lim)