Nag papadagos pa hasta sa presente an pag hahanap kan rescue teams sa apat (4) na lunad kan Cessna 340-A-RPC 2080 na napabaretang nawawara matapos na mag take off sa Bicol International Airport mga alas 6:43 kasuodmang aga asin hureng nakontak alas 6:48 nin aga kan parehong aldaw harane sa sarong planta nin semento sa Palanog, Camalig, Albay.
Sa pinakahuring impormasyon, base sa lokasyon kan cellphone kan saro sa mga pasahero, nasa may parte ini kan Brgy. Anoling asin Brgy. Quirangay kan nasambit na banwaan.
Sa presente, padagos pa an pag arabotan kan iba pang pwersa na matabang sa operasyon, arog kan BFP, PNP, MDRRMOs magin an helicopter kan Philippine Airforce an manunutaran naman sa lugar.
Nakastandby naman an mga ambulansya gikan DOH, Red Cross asin kan maniba-ibang LGU.
Medical team Hali sa Municipal Health office(MHO) asin iba pang responder hali sa Civil Aviation Authority of the Phil.(CAAP), APSEMO,LGU Guinobatan asin Phil. Army an pinag-deploy naman
Mantang laen sa current manpower, magamit man sinda nin drone na igwang camera sa paghanap kaibanan man an rescue dogs. (Jv Navarro Verdeflor Jr via LGU Camalig, photo credits to the owner)