An ledirato kan 9th Infantry Division kan Phil. Army na nakabase sa Camp Elias Angeles sa paagui ni Major General Alex Luna ang nangapudan asin nagpa-guirudom sa mga rebeldeng gropo na aprubitsaran na an itinataong benipisyo kan gobierno,
Kun saen kada bes na mina-abot an kapaskuhan guiraray na nangangapudan an gobierno na mag-suruko na an mga armadong gropo tanganing maka-ibahan na ninda an mga mahal sa buhay ngonian na kapaskuhan.
Sa mga naging pahayag ni Major General Alex Luna, commanding general kan 9th ID Phil. Army sinabi kaining naghahalat sana man sinda asin kan saiyang lederato sa si-isay man na rebeldeng gusto na sumuko.
Kasumpay kaini an nasabi nang programa nagagamit na kan mga na-enot na mga rebeldeng nagsi-suko na saen man parti kan ibang probinsya kan rehiyon.
Katakod kaini nag-paliwanag pa an heneral dapit sa ECLIP o Enhance Comprehensive Local Intigration Program na may kaibahan na mga benipisyo arog kan Financial Assistance, Livelihood Program asin iba pa,
Igua man nin kabalyong kantidad an Badil na isusuruko kan mga ini. (JV Navarro Verdeflor Jr., photo credits to the owner)
