Ibinida ng 20 local exhibitors mula sa iba’t-ibang lugar sa Albay ang kanilang mga agri farm products sa 4-Day EARTH Forum & Expo Year 3 ng PBN-DZGB.
Mga produkto mula sa kabute, pili, kamote, at maging mga halamang namumunga ay maaaring mabili sa murang halaga ng mga interesadong konsyumer.
Ilan sa mga local exhibitors na ito ay ang Camote Creations Farmers & Entrep Cooperative, Moico’s Bicol Tablea, 4D Cuatro De Pe Fruit Nursery, Noveno’s Pilinut Candies, Chikoy’s, AVM Agricultural Learning Center, ALCOFPRACO, YUANA Taste Albay Pili and Cacao Industry Association, Bicol Entrepreneur for Mushroom Agriculture Cooperative, Tiwi Food Processors Association, Inc., Mosquite’s Longganisa de Guinobatan, POKAMPROFA-Sugarcane products, Nares Ornamental, at JWHO Mushroom.
Nakibahagi rin sa naturang aktibidad ang Department of Health Bicol Center for Health and Development, kung saan namamahagi sila ng informative pamphlets, at libreng HIV/AIDS test.
Mayroon ring booth ang Department of Agriculture V Kadiwa, Albay Agriculture Cooperative KADIWA ng Pangulo at Albay Dairy Box.
Ang EARTH Forum at Expo ay gaganapin mula Oktubre 17 hanggang 20 kung saan tatalakayin ng mga eksperto mula sa iba’t ibang sektor ang mga paksa tungkol sa Kapaligiran, Agri-Aqua, Resilient, Turismo, at Kalusugan.
(Source: Albay PIO)