Nag-gradwar an 175 na estudyante sa primerong Alternative Learning System (ALS) Daraga graduation rites sa covered court san Daraga Community College (DComC) ngayong araw, Agosto 10, 2023.
Sa tabang san lokal na gobyerno sa pamayo ni Mayor Awin Baldo, naging matrayumpo an pagtatapos sa elementary dangan secondary education san mga estudyante gyalin sa manlaen-laen na Community Learning Centers (CLCs) ning Daraga, arug san Anislag, Ibaugan, Maopi, dangan Tabon-Tabon.
Tudok sa bu’t na nagpasalamat sa gobyerno lokal sa pagi ni Elizabeth Quisada, ALS Junior High School Completer, sa pig-taw na suporta sa mga ALS graduates. Naging emosyonal man siya sa saynyang mensahe sa kapwa graduates.
“Buksan natin ang ating mga pintuan sa oportunidad na nakaabang sa atin, hindi tayo dapat mapaghinaan ng loob at maging matatag at hindi sumuko sa hamon ng buhay. Para maging motibasyon at ipagpatuloy din ang pangarap,” segun ki Quisada.
Mientrastanto nagpaabot ning pagbati si Mayor Awin Baldo na nagsirbing guest dangan usad sa mga stakeholders ning ALS sa nasabing graduation.
“Tandaan ta na an tunay na trayumpo, indi sana yadi nasusukol sa kung pirang achievement ayo ka, nasusukol man yadi sa mga positibong kontribusyon na nagigibo ta para sa buhay ng iba. Kaya sana, maging inspirasyon man kamo sa ngamin na naga-desidir na makatapos sa pag-eskwela,” segun ki Mayor Baldo.
An ALS, mawot matawan oportunidad an mga out-of-school-youth and adult (OSYA) learners na magka-ayo ning basic dangan functional literacy skills nganing makumpleto an basic na edukasyon.
(Source: Daraga PIO)