Davao City – Gikomperma sa Police Regional Office 11 nga ilahang rondahon ang uban pa nga mga Investment Scheme company sa rehiyon nga nagtago tago na karon sa pagpahigayon sa ilahang mga Pay-In ug Pay- out ingon man sa uban pa nga mga transaksiyon.
Sumala pa ni Police Regional Director Brigadier General Marcelo Morales nga bag-uhay pa lamang sila nagpahigayon ug panagpulong sa Inter-Agency Task Force diin sentro sa gihisgutan ang estado sa mga investment scheme ug kung nagapadayon pa bas a ilang mga Transaksiyon.
Kahinumduman nga sagad sa mga naronda nga mga investment scheme wala mapakita nga mga secondary permit gikan sa Securities and Exchange Commission hinungdan nga matawag nga illegal ang operasyon sa nahisgutang mga investment scheme sa rehiyon onse.
Samtang sa pikas nga bahin, human nga hingpit nang napasakahan ug kaso sa Securities and Exchange Commission ang kadagkuan sa KAPA Community Ministry International Incorporated may kalabutan sa gipadagan niining investment scheme, nagtago tago na karon ang Founder sa KAPA nga si Pastor Joel Apolinario kauban ang iyang asawa ug uban pang opisyal sa KAPA.
Nasayran nga Kasong pagsupak sa Republic Act 8799 kun Securities Regulations Code ang gipasang-at sa opisyales sa SEC ngadtu sa buhatan sa Department of Justice dili pa lamang dugay.
Pinasubay sa Press Release sa securities and exchange commission, ang mga gipangkasuhan naglangkob nila ni Pastor Joel Apolinario ang Founder sa KAPA Community Ministry International Incorporated, ang trustee ni Apolinario nga si Margie Danao u gang Corporate Secretary ug asawa ni Apolinario nga si Reyna Apolinario.
Gawas sa mga hintungdan, lakip sa gipangkasuhan sila ni Marisol Diaz, Adelfa Fernandico, Moises Mopia, Catherine Evangelista ug Rene Catubigan kinsa pulos napamatud-ang nagapromotar sa ilang mga operasyon sa KAPA.