Kamanga, Maasim, Sarangani Province – Gipangunahan ni Senador Manny ‘Pacman” Pacquiao ang paghinomdom sa International Coastal Clean-up kagahapong adlawa.
Kung kahibaloan nga tanang LGU ang naghimo sa pagpanghinlo sa mga kabaybayunan nga bahin sa nasud, og nahimong aktibo niini ang dakbayan sa Gensan og probinsya sa Sarangani aron nga hinluan ang kadagatan sa Sarangani Bay.
Kalabot niini, nanguna si Senador Pacquiao sa maong kalihukan kon diin gisalom ang kadagatan sa Kamanga Maasim Sarangani Province aron nga sutaon og manguha og basura nga makaguba sa mga coral reefs sa maong lugar.
Nakig-alayon ang buhatan sa Department of Environment and Natural Resources kon DENR, Provincial Government sa Sarangani, LGU Maasim, PNP- Maritime, mga grupo sa divers og uban pa.
Human sa maong pag-dive nakuha sa grupo ni Senador ang mga basura ilalom sa kadagatan.
Nanawagan ang senador nga angayan gyud ampingan ang kinaiyahan aron nga ma-preserba tungod og alang sa mga henerasyon. (Sarangani – Public Information Office)