Iriga City—nag-ani nin grabing pagtuyaw an ginibong implementasyon kan road clearing sa gabos na trimobile sa cuidad na ini.
Ini matapos na ibawal na an pag-agi sa mga national hi-way kan mga trimobile, imbes igua na sana nin temporaryong ruta asin terminal na ibinugtak an city hall.
Apuera sa kadipisilan sa lubak-lubak na tinampo, harayong biyahe asin pag-alsa kan magabat na bagahe dakol pang ibang problemang nagluwas hali mismo sa mga pasaheros.
Sa lado kan mga tsuper, nadagdagan an saindang gastos sa gasolina huli sa bagong ruta.
Katakod kaini, nangapudan ngunian an harus gabos na sector sa cuidad na dai na nguna ipa-utob an road clearing sa tinampo gamit kan mga trimobile sa DILG tanganing magkaigua nin moratorium.
Inot kaini, kaiba sa kasuguan kan DILG an pagbabawal sa mga trimobile na mag-agi sa mga national road imbes duman sana sa mga secondary road huli sa pagigin takaw aksidente kaini.
(OIC Melvin Barayoga, RPN DZKI)