Nagtinguha nga mahimong state witness ang gunman sa kaso sa pagpatay kang Atty. Joey Luis Wee nga unang nasikop sa NBI sa Laguna niadtong Disyembre 8 sa gabii.
Gani, matod sa NBI 7, mi-apply na sa pagka state witness sa korte si Fausto Edgar Peralta.
Suma pa sa director sa NBI 7,Atty. Renan Oliva,anaa ra sa hukmanan kon ila bang dawaton nga state witness si Peralta bisag siyay nagpusil kang Wee.
Matod ni Oliva, mihatag og extra judicial confession si Peralta sa paglaom nga mahimo siyang state witness.
Gani, tungod sa pagkompesal ni Peralta, ilang natumbok ang giingong middleman o contractor sa pagpatay ni Wee nga si ret. Lt. Col. Edwin Layese sa army.
Si Oliva mihulagway kang Layese nga “uncooperative” sa ilang imbestigasyon.
Apan taliwa niini, nakakita na ang NBI og lead kinsa ang mastermind sa pagpatay kang Wee nga maoy nagsuhol nila ni Layese ug mga kauban.
Hinuon, huyang pa lang ang ilang ebidensiya batok niini.
via Jhon Tadlip/JTY
Source: NBI-7
Photo: NBI-7
: Atty Joey Luis Wee FB