Mangiwayat ti Ilocos Norte Tourism Office a kas paset paylaeng iti panagfiesta ni La Milagrosa iti libre a panagbisita kadagiti Tourist Spots ditoy probinsia, daytoy ket saan laeng nga para kadagiti turista ngem para pay kadagiti residente ti ilocos Norte a maangay intuno Mayo 22, 28 ken 29.
Daytoy a programa ket tapno maallukoy dagiti turista a bumisita kadagiti naidumduma ken kabbaro nga atraksyon iti probinsya pakairamanan iti pannakaaramid iti naduduma nga aktibidad babaen iti tulong ti Ilocos Norte Travel Agencies Association ken iti Ilocos Norte Tour Guides League.
Ti libre a panagbisita ket addan iti skedyul, iti oras ti alas-nuebe ti bigat iti call time idjay Provincial Capitol-bonsai garden ken iti oras iti 10:00 ti bigat ket adda mapasamak nga ETD to
Destinations para kadagiti mapan iti Northern tour, walo a van iti mabalin a pagluganan ken inem laeng iti mabalin nga aglugan iti kada van.
Dagitoy ket agturong da iti Kapurpurawan Rock Formation, Burgos Windfarm Adventure Park, Bangui Bay Windmills, Saud Beach, ken iti Umok ni Siwawer Eco-Tourism Park nga addaan met iti discounted rate.
Mainayon pay para met iti Southern Tour, pito a van iti mabalin a pagluganan ken inem nga tao iti mabalin nga aglugan iti kada van dagiti agbalin a turong da ket iti Umok ni Siwawer Eco- Tourism Park nga addaan iti discounted rate, Malacañang of the North ken Chinese garden, Paoay sand dunes nga adaan iti discounted rate para iti 30 minutes 4×4 ride ken sand boarding, Paoay church ken iti La Virgen Milagrosa Cave.
Kabayatanna, dagiti kayat na iti agpareserba ket tawagan laeng iti Ilocos Norte Tourism Office iti numero da a 09088108621. (Ronald Domingo, RPN DZRL Batac Correspondent)
(Ronald Domingo, RPN DZRL Batac Correspondent)