Cebu City – Misaad ang mga sakop sa IATF o Inter-Agency Task Force for the Management of Emerging Infectious Diseases pagbisita ug pagtuon sa covid 19 response sa Cebu.
Samtang ang Committee on Overseas Workers Affairs sa ubos-balay-balaoranan nag-convene gahapon aron pagtuki sa kahimtang sa mga overseas Filipino workers.
Particular nga gituki ang kabahin sa swabbing ug testing policies nga gipatuman sa mga Returning Overseas Filipinos (ROF) ug Overseas Filipino Workers (OFW).
Si Usec. Alethea de Guzman, director sa Epidemiology Bureau sa DOH nga mibarog sa ngan ni Kalihim Francisco Duque, III, miingon nga ang kalihim mipasalig pagbisita sa rehiyon ug sa Sugbo karong semanaha o sa sunod semana aron pagtan-aw sa giingong best practices.
Lakip sa mitambong sa hearing sa kongreso si Gob. Gwendolyn Garcia, DOH 7 Â chief pathologist Dr. Mary Jean Loreche nga mipresentar sa data sa COVID-19 situation.
Atol sa first half sa virtual hearing, gisultihan ni Loreche si Kong. Rahmond Democrito Mendoza sa Trade Union Congress of the Philippines o TUCP party-list ug tsirman sa komitiba, nga ang  IATF mamugos gyod nga tumanon sa Cebu ang ilang protocols labot sa mangabot nga mga ROF ug OFW.  (Jhon Tadlip/JTY)
(News & photos courtesy of: Cebu Provincial Government)