Cebu City – Gisumsuman sa social media ug nag trending na sa pipila na ka adlaw ang komprontasyon tali sa seller ug buyer sa food package atol sa birthday party sa sakop sa pamilya sa buyer sayo ning semanaha.
Gani, ni-abot ug gi pick up na kini sa national media.
Nahitabo ang komprontasi sa panimalay ni Amy sa Barangay Babag 2, Syudad sa Sugbo.
Nag-ugat ang kontrobersya dihang naningil na unta sa balance nga P9,000 si Marjorie Alison, ang online seller sa food package, kinsa dunay say reseller nga maoy na negotiate ug mipatong sab ug P2,000 sa buyer nga si Maria Amy Hofilena.
Atol sa kompronstasyon nga gipakita pinaagi sa live video ni Marjorie, nag kwentahay sila sa presyo sa sud-an sa maong food pachage ug gani, gihulagway ni Maria nga “dili worth it” ug ” dugyot”.
Sigon pa ni Marjorie nga lakip sa pachage ang 30 kilos nga lechon( 40 kilos kini sa karne pa) , dunay walo ka klase klaseng sud-an ug duha ka fruit tray.
Didtong aktuha nagka tensyon ug init ang tinubagay nga nakita sa live video.
Gi-angkon ni Maria Amy Hofilena, ang buyer sa food package nga nauwawan sila ug nawagtangan sila ug privacy sa nahitabo.
Alang kang Maria nga dili kabayran ang ilang gibating kauwaw sa nahitabo.
Gani dunay daghang mo-agi ug mohunong sa ilang lugar human sa kontrobersya.
Gibutyag sa host nga nanghilak, na stress, na depress ug gi ataki sab ug apil ang iyang mga higala.
Gibarugan niini nga dili siya makig settle sa posibling cyberlibel, oral defamation, unjust vexation ug trespassing nga iyang planong ipasaka.
“To all the netizen, I strong advise ,be responsible in using social media, its not a joke…panawagan ni Maria.
Iyang gi-angkon nga siya ang biktima sa hitabo ug gikonsidera kini niya nga labaw pa sa nightmare ug horrible nga butang nga nahitabo sa iyang pamilya.
Nagmahay siya nga ni “bite” siya sa ing ana nga order, apan bisan pa man, nagpasalamat gihapon siya nga nagkahiusa silang pamilya.
Gipadayag ni Maria nga na shock siya sa social media diri, kay matod pa, wala na sa ilang country nga gipuy-an.
Sa pagka karon, nag deactivate na siya sa iyang social media account.
Bisan pa man, siya nagkanayaon nga ila ning lingkoran sa umaabot nga husay.
Samtang ang online seller sa food package nga si Marjorie Alison,nakasinate sab ug paghoot sa iyang dughan, ulo ug pagsakit sa iyang buko buko.
Kini maoy gibutyag sa inahan ni Marjorie.
Matod pa sa pagka karon tua ang iyang bugtong anak sa Carcar aron mo relax sa nasinati nga stress.
Alang sa inahan ni Marjorie, naka patandug kaniya dihang giingnan ang iyang anak nga sagpaon kini ug escabeche.
Hinoon, iyang gitambagan ang anak nga dili lang mobawas o mosokol sa kaso, bahala lang ug mohilka, ipahungaw lang.
Gisalig na sa inahan ngadto sa kahitas-an ang hitabo ug wala na sila mag expect nga mabayran pa sa balance, kay matod pa, kung mobayad pa sila (buyer), niadtong higayona ra unta. (Jhon Tadlip)
(News & photos courtesy of Kampo ni Maria Amy Hofilena ug Marjorie Alison)