Cagayan de Oro – SA tinguha nga magmalampuson ang programa sa ‘housing’ sa administrasyon ni Mayor Rolando `Klarex’ Uy, mas gihingusgan karon sa City Housing and Urban Development Department (CHUDD) ang land acquisition, land development ug ang pagtukod og balay.
Kini ang gipadayag ni CHUDD acting dep’t manager Atty. Samuel Rollo atol sa uwahing management committee meeting (ManComm) adlaw’ng Martes Hulyo 2.
Gibutyag ni Atty. Rollo nga pinaagi niini nga mga lakang matubag usab ang pipila ka mga problema sama sa pagsaka sa ihap sa housing applicants nga mga informal settler families (ISFs) ug internally displaced person (IDPs).
Lakip sa problema sa CHUDD ang ‘unwillingness’ sa mga ISFs ug IDPs nga mobalhin sa gitumbok nga mga relocation sites tungod sa economic ug practical nga mga rason.
Si Atty. Rollo namahayag nga aduna na silay nakita nga mga yuta nga posibleng paliton sa syudad ug siya naglaum nga magmalampuson ang ilang mga tinguha alayon sa programa sa nasyonal nga kagamhanan ang 4PHs program kon Pambansang Pabahay Para sa Pilipino.
News and photo courtesy of CIO CDO