Gipahigayon sa mga opisyal sa Barangay Lasang dinhi sa dakbayan sa Davao ang household-tagging ug mapping ngadto sa panimalay sa ilang mga residente. Kini nagtumong nga mailhan ug mahibal-an kung kinsa ang mga nabakunahan na ug wala magpa bakuna.
Mukabat sa usa ka libo ka mga stickers gi-andam sa Barangay Council nga maoy ipangpilit sa mga balay, butangan og pangalan ug check kun naka 1st dose ug 2nd dose na.
Ang nasangpit nga kalihukan ginsudan niadtong Hulyo 8, 2021 ug nagpadayon pa sa kasamtangan, diin dunay 274 na ka mga balay na ang nabutangan subay sa ulahing ihap sa Barangay Council.
Gipamahayag ni Barangay Lasang Chairman Allan Simo-ag nga inisyatibo sa iyang barangay ang naasoy nga household-tagging ug mapping arun madasig ang ubang mga residente nga magpabakuna kontra covid-19.
Sa karon, naa sa moderate risk for Covid-19 infection ang Barangay Lasang subay sa latest risk assessment sa Davao City LGU.
(Source: Kap. Allan Simo-ag | I luv Lasang Facebook Page)